zortzigarren lurraldea

Euskararen jatorria

josieror — Mon, 05 Dec 2011 19:40:40 +0000

Hasier Etxeberriaren eskutik, Euskararen Jatorria filma ikusteko aukera izan dugu eitb.tv-n

Baita Zuzeu atarian ere, kalitate handiz. Bertatik hartu dugu irudi hau, Hasierren kontakizun xamurrarekin jarraitu dezakezun dokumentala ikus-entzunahal izateko.

Euskararen jatorria

Ezagutza Euskararen egunean

josieror — Sat, 03 Dec 2011 16:29:03 +0000

Ezagutza eta komunikazioa eskutik doaz Joxe Aranzabalen hitz hauetan.

Farozaianaren ustetan “momentu honetan komunikazioak bizkortu egin du ezagutza, Interneten jartzen den momentuan, mundu osora zabaltzen delako jakintza: medikuntza arloan adibidez.

Zorionez komunikazioak azkartu egiten du jakintzaren zabalkundea.

1000 Gaurko Hitza

josieror — Thu, 10 Nov 2011 06:59:45 +0000

Donostiako DOKA antzokian Maite Goñik Gaurko Hitzaren hirugarren urtemuga ospatu berri du. Lagun eta euskaltzalez inguratuta, telebistako aurkezle, idazle, kantari, blogari, wikilari… ekialdeko eta mendebaldeko mordo bat bildu zen euskaljakintzaren ekimen arrakastatsu hau ospatzeko. Haserko galdera, Mikel Iturriak egina hauxe da: Zortzigarren Lurraldean ibiltzeko mila hitz nahiko izango al dira ba? Bideo honetan ikus-entzun dezakezu baietz Maiteren hitzetan! (FaceBooken ere ikusgai dago)

KONTUTAN IZAN:
Bideoaren iraupena 931 segundukoa da; eta 1.000 Gaurko Hitzak biltzen ditu

Nor da Joxe Aranzabal?

josieror — Thu, 28 Jul 2011 07:25:45 +0000

Euskal blogosfera hain ondo ezagutzen duen Joxe Aranzabal nor den jakin nahi izan dugu. Eta Joxeri berari eskatu diogu bere bizitzako oroimenak konpartitzeko:

Eskola denboratik gogoratzen duena, Frankoren denboran zegoen beldurrarekin
Batxilergoa ikasten ibili zenekoa, lehen kazetari lana egin zuenekoa
Unibertsitatera joan zenekoa bere iritziak jendaurrean plazaratzen hasi zenean

Oroimen guzti horiek konpartitzen ditu Zortzigarren Lurraldearekin bideo labur honetan (4:42 min)

Euskal blogosferan askatasuna

josieror — Tue, 26 Jul 2011 12:02:14 +0000

Joxe Aranzabalek euskal blogosferan hasera-haseratik ezagutzen du, ondo ezagutu ere. Sustatu jaio zenetik Joxe hasi zen Luistxo Fernandezen tresna berri hura erabiltzen; eta 2004an, bere bizitzaren zati handi bat jartzen Faroan bertan.
ZER EMAN DIO JOXERI BLOGOSFERAK?
Eta zerbait azpimarratzekotan, askatasuna nabaritzen du Joxek: prentsa idatziaren aldean, blogean zeu zara idazle, zuzentzaile, editore, zuzendari, argitaratzaile, zuk aukeratzen duzu noiz argitaratu, zuk… duzu askatasuna nahi duzunaz idazteko eta aldatzeko!
IRAKASKUNTZAN ERE TRESNA POTENTEA?
Irakaskuntzan ere potentzialitate handia ikusten dio blogari, portafolio bat bezala erabiliz, irakaslearen zuzenketak posten komentarioetan eginez. Celestin Freineten ideiak era gogoratzen ditu, testua modu librean idazteko modua eskaintzen duelako blogak.

EUSKARARI EKARPEN BERRIRIK?
Euskarari euskaltzale belaunaldi berri bat ekarri dio blogosferak: teknologia zaleak, Internet ondo ezagutzen dutenak… sekulako lana egiten ari direnak, euskara ekartzeko esparru berri hauetara: datozkigun aldaketak ulertuz, mundu berria ulertuz, atzetik daukagun ondarea esparru berri hauetara ekartzeko gai izango direnak: Maite Goñi, Gorka Julio teketen, Gari Araolaza, Iban Arantzabal, Luistxo Fernandez, Igor Leturia, Arkaitz Zubiaga … perfil diferentea daukatena. Holako jendea behar dugu… eta asko!

Blogosfera Joxeren arabera

josieror — Fri, 22 Jul 2011 07:07:48 +0000

Blogosfera zer den, unibertso horretako euskal auzoa non dagoen, eta blogean idaztea zer den kontatzen du Joxe Aranzabal Faro zainak bideo-elkarrizketa honetan.

ZORTZIGARREN LURRALDEAN IBILI NAHI DUTENEI AHOLKUA
Elkarrizketa bukatzeko, aholku bat eskatu diogu blogosferan hasi nahi dutenentzat. Eta honela esan digu Joxek:
“Zeresana denok daukagu: pixkanaka barruan daukagun hori ataratzea eta esatea ahal duzun hobetoen; ez pentsa berria zarelako besteak baino kaxkarragoa zarenik; berriena zara!ª
Ez pentsa hemenjainkorik dagoenik: animatu eta jarri harremanetan besteekin;
idatzi, erabili bloga eta parte hartu elkarrziketan!

GEHIAGO JAKITEKO/EGITEKO

Irakurri elkarrizketaren transkripzioa DOC honetan.
Ikusi bideo-elkarrizketa Youtuben.
Irakurri Joxeren bloga, Faroa, Goiena.net-en.
Ikusi Sustatu blogean Joxeren ekarpenak.

Nor da Luistxo Fernandez

josieror — Mon, 11 Jul 2011 06:21:04 +0000

Zortzigarren Lurraldeko biztanle porrokatu bat ezagutzeko aukera daukagu gaur: Luistxo Fernandez.

Kazetaria ikasketaz, eibartarra jaiotzez, eta donostiarra adopzioz, bere gazte denborako ikasketen gorabeherak eta unibertsitatean egon zenean ordenagailuak ikutu ere ez zuela egin aitortzen digu. Ordenagailu bat erabili zuen praktiketan zegoela, Argia aldizkarirako idazten.

Luistxo & Internet

josieror — Sat, 09 Jul 2011 07:45:37 +0000

Internetekin izan duen harremana kontatzeko eskatu diogu Luistxo Fernandezi; eta detaile guztiak kontatu dizkigu bideo honetan:

noiz izan zuen lehenengo kontaktua sarearekin
nola egiten zuen lan kazetari bezala modemak eta telefonoak konektatzeko erabiltzen zirenean
nolakoa zen joan zen gizaldiko kazetaritza analogikoa Eginen eta Euskaldunon Egunkarian
eta beste gauza asko ere!

Elkarrizketa bere osotasunean ikus-entzun nahi baduzu, ikusi bideoa; eta zehazt mehatz irakurtzeko jo DOCSera.

Nork bere abotsa

josieror — Mon, 20 Jun 2011 05:35:19 +0000

Lusitxo Fernandezen Gomendioak Zortzigarren Lurraldean ibiltzeko 3 minututan laburtu ditugu.
CodeSyntaxeko leizean elkarrizketatu genuen Luistori jende gazteari eta web surfari berriei aholku batzu emateko eskatu genion eta hauxe esan zigun: Nork bere abotsa eukitzea da inportantea Interneten; eta modurik errezena gaur egun, Twitter da, interakzio maila bat izateko.

Baina sare sozialen ondoren, bloga da bigarren pausua, zure abotsa Interneten izateko.

Software Librea by Luistxo

josieror — Thu, 16 Jun 2011 13:40:14 +0000

Eibarko forjari bati eskatu diogu Software Librea zer den azaltzea eta enpresa munduan erabilgarria ote den esatea.
Luistxo Fernandez, CodeSyntaxeko langile fina, minfirurik gabe mintzatu da SLaren onurak eta ezaugarriak zeintzuk diren zehazteko.

Argi uzten digu Luistxok elkarrizketa honetan, zentzuzko aukera bat izan zela duela 11 urte, CodeSyntaxentzat, eta orain ere badela, Interneten aplikazioak egiteko, bai teknologikoki baita ekonomikoki egokia.

Baita enpresaren erantzunkizun soziala aurrera eramateko, partekatzearen printzipio filosofikoa gauzatzeko eta euskararen alde lan egiteko. Egindako lana publiko egitean, ezagutza biderkatu egiten dugu!

Luistxo Fernandezen elkarrizketaz sorturiko KMa

BIDEO-ELKARRIZKETA
CodeSyntaxeko egoitzan ordutxo bat izan genuen elkar-hizketan aritzeko Luistxorekin.
Hona hemen bere ikuspegia, SLri buruz, 5 minututan kontatuta.